ახალი ამბები

გერმანიის მოქალაქეების უმრავლესობა უკრაინისთვის თანამედროვე მოიერიშე თვითმფრინავების მიწოდებას ეწინააღმდეგება, ხოლო კიევისთვის სამხედრო დახმარების გაზრდის მომხრეები და მოწინააღმდეგეები დაახლოებით ამდენივეა.

ამის შესახებ RTL/ntv-Trendbarometer-ის კვლევაში ვკითხულობთ.

გამოკითხულთა 64%-მა განაცხადა, რომ ნატომ უკრაინას დასავლური გამანადგურებლები არ უნდა მიაწოდოს, მხოლოდ 28%-ია მომხრე, ხოლო დანარჩენმა 8%-მა უპასუხა "არ ვიცი" ან არ სურდა პასუხის გაცემა.

მწვანეთა პარტიის მხარდამჭერებს შორის კიევისთვის თვითმფრინავების მიწოდების მხარდაჭერა საშუალოზე გაცილებით მაღალია: 45% - მომხრე და 39% - წინააღმდეგი.

უკრაინის სამხედრო დახმარების გაზრდასთან დაკავშირებით, გერმანელი რესპონდენტების მოსაზრებები გაიყო. 49% ამას არასწორად მიიჩნევს, 47% - სწორად.

ამავდროულად, მნიშვნელოვანი განსხვავებებია აღმოსავლეთ და დასავლეთ გერმანიას შორის: თუ დასავლეთში მოქალაქეების 51% უკრაინისთვის დახმარების გაზრდის მომხრეა, ხოლო 45% წინააღმდეგი, ამავდროულად აღმოსავლეთში 72% ამის წინააღმდეგია, მომხრე მხოლოდ 24%.

პარტიულად, ყველაზე მეტად უკრაინის სამხედრო დახმარების ზრდას მწვანეთა პარტიის მომხრეები (78%) უჭერენ მხარს, ყველაზე წინააღმდეგი კი - "ალტერნატივა გერმანიისთვის" მხარდამჭერები (91%) არიან.