ხარკოვის რეგიონში რუსებმა მეორე მსოფლიო ომის მემორიალი გაანადგურეს
რუსულმა ჯარებმა ხარკოვის ოლქის ქალაქ იზიუმში, კრემენეცის მთაზე მეორე მსოფლიო ომში დაღუპულთა მემორიალი გაანადგურეს. ამის შესახებ იზიუმის საკრებულოს ახალგაზრდობის, სპორტისა და გამოსახულების პროექტების კომისიის ხელმძღვანელმა მაქსიმ სტრელნიკმა განაცხადა.
მან აღნიშნა, რომ დღეს იზიუმის ცაზე მხოლოდ კვადროკოპტერები დაფრინავენ, რადგან გუშინ უკრაინის შეიარაღებულმა ძალებმა ორი თვითმფრინავი და ერთი ვერტმფრენი ჩამოაგდეს.
„ახლა მტერი სწრაფად კარგავს საჰაერო უპირატესობას, მაგრამ ნახეთ, რა დამართეს ამ ბარბაროსებმა ჩვენს ქალაქს. მათ გაანადგურეს მეორე მსოფლიო ომის მემორიალი კრემენეცში. ძეგლის ერთ-ერთი სტელა დაეცა მათი საჰაერო დაბომბვის შედეგად. ფაშისტები! ნუ დავივიწყებთ! ჩვენ არ ვაპატიებთ!" - წერს სტრელნიკი.
კრემენეცის მთაზე, მემორიალის გარდა, არის სატელევიზიო ანძა და რეგიონში ნაპოვნი ქვის ქანდაკებების კოლექცია.
