ახალი ამბები

ევროპული საბჭოს პრეზიდენტმა შარლ მიშელმა Twitter-ზე განაცხადა, რომ 30-31 მაისს ევროპული საბჭოს საგანგებო სხდომა გაიმართება.

"როგორც ვერსალში და ევროპული საბჭოს ბოლო სამიტზე ვიმსჯელეთ, სპეციალური ევროპული სამიტი 30-31 მაისს გაიმართება. დღის წესრიგშია თავდაცვის, ენერგეტიკისა და უკრაინის საკითხი", - წერს მიშელი.

10–11 მარტს საფრანგეთში გაიმართა ევროკავშირის ლიდერების არაფორმალური სამიტი, სადაც განიხილეს რუსეთის აგრესია უკრაინის წინააღმდეგ და ევროკავშირის ურთიერთობები უკრაინასთან.

სამიტის დაწყებამდე საფრანგეთის პრეზიდენტმა ემანუელ მაკრონმა განაცხადა, რომ არარეალურად მიიჩნია მეომარ ქვეყანასთან წევრობაზე მოლაპარაკებების დაწყება. სამიტის დასკვნით განცხადებაში ნათქვამია, რომ ევროპულმა საბჭომ აღიარა უკრაინის ევროპული მისწრაფებები და ევროპული არჩევანი, ეს დაფიქსირებულია ასოცირების ხელშეკრულებაში. თუმცა, დოკუმენტში არ არის კონკრეტული ვალდებულებები უკრაინის ევროკავშირში გაწევრიანებასთან დაკავშირებით.

8 აპრილს ევროკომისიის პრეზიდენტმა ურსულა ფონ დერ ლაიენმა უკრაინის ხელისუფლებას ევროკავშირში წევრობის კითხვარი გადასცა.