ახალი ამბები

დონალდ ტრამპის გარემოცვაში მიიჩნევენ, რომ პუტინთან სატელეფონო საუბრის ინიცირება "არ არის საუკეთესო იდეა" სანამ რუსეთის პრეზიდენტი სრულფორმატიან ცეცხლის შეწყვეტას არ დათანხმდება. 

State Of Play: ინფორმაციას ამის შესახებ ამერიკელი პრეზიდენტის გარემოცვაში საკუთარ წყაროებზე დაყრდნობით ტელეარხი NBC ავრცელებს. მალევე გავრცელდა კრემლის პრესსპიკერის, დმიტრი პესკოვის კომენტარი, რომელმაც დაადუსტურა, რომ უახლოეს მომავალში პუტინისა და ტრამპის სატელეფონო საუბარი არ არის ჩანიშნული. 

• პარალელურად 3 აპრილს საპრეზიდენტო თვითმფრინავში ჟურნალისტებთან ურთიერთობისას ტრამპმა განაცხადა, რომ მისი აზრით ზელენსკიც და პუტინიც მზად არიან ცეცხლის შეწყვეტისთვის. 

Big Picture: ცნობები დონალდ ტრამპის ადმინისტრაციასა და კრემლს შორის რიტორიკული გამწვავების ფონზე გავრცელდა. დონალდ ტრამპთან გამართული მოლაპარაკებებში ვლადიმირ პუტინმა სრულფორმატიანი ზავის სანაცვლოდ აშშ-ს მხრიდან უკრაინის სამხედრო დახმარებისა და ქვეყანაში მობილიზაციის შეწყვეტა მოითხოვა. 

• ბრიუსელში, ნატოს საგარეო საქმეთა მინისტრელიაზე მყოფმა სახელმწიფო მდივანმა განაცხადა, რომ "ტრამპი არ გაეხვევა პუტინის უსასრულო მოლაპარაკებების მახეში" და უახლოეს კვირებში გასაგები გახდება, რამდენად სერიოზულად არის განწყობილი რუსეთი. 
• კრემლის პოზიციის გამო სრულფორმატიანი ზავის სანაცვლოდ მხარეები ცეცხლის ნაწილობრივ შეწყვეტას განიხილავდნენ, რომელიც ენერგეტიკულ ობიექტებსა და შავი ზღვის აკვატორიაში შეტევების შეწყვეტას გულისხმობდა, თუმცა ეს შეთანხმების ბედიც ჯერჯერობით გაურკვეველია.
  
  
• 28 მარტს ატომური წყალქვეშა ფლოტის წარმომედგენლებთან შეხვედრაზე პუტინმა განაცხადა, რომ სამშვიდობო შეთანხმებისთვის აუცილებელია უკრაინაში საგარეო მმართველობის შემოღება. 
  
  

Context: რუსეთის მხრიდან წამოყენებულ მოთხოვნებს ცოტა ხნის წინ გამოეხმაურა დონალდ ტრამპი - მისი თქმით, ის "გაცოფებული" იყო, როდესაც პუტინმა მასთან უკრაინის მთავრობის ცვლილებებზე დაიწყო საუბარი. 

• ამავე ინტერვიუში დონალდ ტრამპი ცეცხლის შეწყვეტის შეთანხმებაზე უარის შემთხვევაში რუსული ნავთობისთვის მეორადი ტარიფების დაწესებით დაიმუქრა. მისი თქმით, იმ კომპანიებისა და ქვეყნებისთვის, რომლებიც შეიძენენ რუსულ ნავთობს შეუძლებელი იქნება ამერიკაში ბიზნესის კეთება. 
• ვითარების განსამუხტად ვაშინგტონში შეხვედრებს მართავდა პუტინის წარომადგენელი და რუსეთის პირდაპირი ინვესტიციების ფონდის პრეზიდენტი, კირილ დმიტრიევი.