პაველის თქმით, ფრონტზე "შესაძლებლობის ფანჯარა" წლის ბოლომდეა - შემდეგ მოლაპარაკებები
ჩეხეთის პრეზიდენტი პეტრ პაველი მიიჩნევს, რომ ბრძოლის ველზე მიმდინარე წლის ბოლომდე ნებისმიერი მიღწევა იქნება უკრაინასა და რუსეთს შორის მომავალი მოლაპარაკებების საფუძველი.
ამის შესახებ პაველმა სამშაბათს, ვილნიუსში, ნატოს სამიტის ფარგლებში გამართულ ექსპერტთა ფორუმზე განაცხადა.
პაველის თქმით, უკრაინის სამხედრო წინსვლის "შესაძლებლობის ფანჯარა" წლის ბოლომდე იხურება.
"ჩვენ უნდა ვიყოთ რეალისტები: შესაძლებლობების ფანჯარა მეტ-ნაკლებად დაიხურება ამ წლის ბოლომდე. არა მხოლოდ ზამთრის პირობების გამო, არამედ მომავალი არჩევნების გამო უკრაინაში, რუსეთში და შეერთებულ შტატებში," - განაცხადა ჩეხეთის პრეზიდენტმა.
მან აღნიშნა, რომ მოკავშირეები საბოლოოდ უკრაინის სამხედრო მხარდაჭერას შეამცირებენ, ასევე დავინახავთ უკრაინის დიდი რაოდენობით იარაღით მხარდაჭერის სურვილის შემცირებას.
"ყველა ეს პირობა, სავარაუდოდ, მიგვიყვანს დასკვნამდე, რომ რასაც არ უნდა მიაღწიოს უკრაინამ ამ წლის ბოლომდე, ეს იქნება მოლაპარაკებების საფუძველი." - განაცხადა პაველმა.
მარტში, პოლონურ გამოცემა Rzeczpospolita-სთან ინტერვიუში, ჩეხეთის პრეზიდენტმა თქვა, რომ უკრაინას დიდი კონტრშეტევის წამოწყებისთვის მხოლოდ ერთი შანსი ექნება.
შემდგომში პაველმა განმარტა, რომ ის მხოლოდ წელს დაწყებულ კონტრშეტევას გულისხმობდა, რადგან ასეთი ოპერაციები დიდ დროსა და რესურსებს მოითხოვს.
.png)
