ახალი ამბები

სამი სხვადასხვა კვლევის მონაცემების თანახმად, ვლადიმირ პუტინის რეიტინგი ვარდნას აგრძელებს.

არსებული ვითარება: აქამდე რუსეთის პრეზიდენტის რეიტინგის ვარდნის შესახებ  კვლევებს საზოგადოებრივი აზრის კვლევის ცენტრი (ВЦОИМ) აქვეყნებდა.

• ВЦОИМ-ის მონაცემების მიხედვით, პუტინის რეიტინგი მიყოლებით 7 კვირაა ეცემა.
  
  
• ბოლო მონაცემით, პუტინის მმართველობას მხარს გამოკითხულთა 65.6% უჭერს, ხოლო პრეზიდენტისადმი ნდობის რეიტინგი 71%-მდე დაეცა.
  
  
• მსგავსი ვარდნა პუტინს მხოლოდ ომის დაწყებამდე, 4 წლის წინ ჰქონდა.
  
  
• აღსანიშნავია, რომ ВЦОИМ სახელმწიფო ორგანიზაციაა, რომელიც კრემლის მიერ არის მართული. შესაბამისად პუტინის რეალური რეიტინგი კიდევ უფრო დაბალია.

ჩაშლილად: ВЦИОМ-ის შემდეგ პუტინის რეიტინგის შესახებ კვლევა გამოაქვეყნა "ლევადა-ცენტრმა".

• კვლევის თანახმად, 2022 წლის შემოდგომის მობილიზაციის შემდეგ პირველად, პუტინის რეიტინგი 80%-ს ჩამოცდა. "ლევადა-ცენტრის" მონაცემებით, რუსეთის პრეზიდენტის რეიტინგი 79%-ს შეადგენს.
  
  
• გარდა ამისა, დაიკლო "ედინაია როსიას", პრემიერ-მინისტრ მიხაილ მიშუსტინის რეიტინგებმაც. გამოკითხულთა მხოლოდ 55%-ს მიაჩნია, რომ ქვეყანა სწორი მიმართულებით ვითარდება.
• კრემლთან არსებული საზოგადოებრივი აზრის ფონდის (ФОМ) მონაცემებით, პუტინის მუშაობით კმაყოფილთა რაოდენობა 73%-ს შეადგენს. ერთი კვირის წინ ეს ციფრი 76-ს უდრიდა.

კონტექსტი: დამოუკიდებელ სოციოლოგებს მიაჩნიათ, რომ რუსეთის ხელისუფლების რეიტინგის ვარდნის მთავარი მიზეზებია გაჭიანურებული ომი, ეკონომიკური მდგომარეობა და სოციალურ ქსელების, მათ შორის Telegram-ის ბლოკირება.