ახალი ამბები

უკრაინელი სამხედრო ტყვეების წამება და მკვლელობა ჟენევის კონვენციების დარღვევაა. ამის შესახებ უკრაინის თავდაცვის მინისტრმა ოლექსი რეზნიკოვმა 29 ივლისს Twitter-ზე განაცხადა.

"რუსეთის მიერ ოლენივკას ციხის დაბომბვა უკრაინული კატინია. უკრაინელი სამხედრო ტყვეების წამება და მკვლელობა ჟენევის კონვენციების დარღვევაა. რუსეთი არის ტერორისტული სახელმწიფო, რომელიც უნდა დამარცხდეს ბრძოლის ველზე", - თქვა მან.

მარიუპოლის დატყვევებული დამცველების უმეტესობა, რომლებმაც მაისში აზოვსტალი დატოვეს, ოლენოვკას ყოფილ კოლონიაში იმყოფებოდნენ.

29 ივლისს დამპყრობლებმა ოლენივკაში მყოფი 47 უკრაინელი სამხედროს დაღუპვის შესახებ განაცხადეს, 70-ზე მეტი, მათივე განცხადებით, დაშავდა.  

უკრაინის შეიარაღებული ძალების გენერალურმა შტაბმა განაცხადა, რომ ოლენივკაში მდებარე კოლონია სამიზნე იყო, რომელსაც რუსებმა განზრახ ესროლეს. ამ გზით ოკუპანტები ცდილობდნენ დაემალათ პატიმრების წამება და სიკვდილით დასჯა, რომელიც იქ საოკუპაციო ადმინისტრაციის და რუსეთის ფედერაციის ბრძანებით ხორციელდებოდა.

უკრანული მხარე ხაზგასმით აღნიშნავს, რომ მათ ოლენივკა არ დაუბომბავთ.