ახალი ამბები

რუსეთის სრულმასშტაბიანი ინტერვენციის დაწყებიდან 24 თებერვალს, შეერთებულმა შტატებმა უკრაინას მიაწოდა 23 768 ტონაზე მეტი იარაღი და სამხედრო ტექნიკა. ამის შესახებ ინფორმაციას აშშ-ს შეიარაღებული ძალების სატრანსპორტო სარდლობამ გაავრცელა.

კერძოდ, შეერთებულმა შტატებმა უკრაინას მიაწოდა:

• 23 942 ტანკსაწინააღმდეგო მართვადი რაკეტა;
• 1033 საზენიტო სარაკეტო სისტემა და მათთვის 1468 რაკეტა;
• 90 ჰაუბიცა;
• 174 173 საარტილერიო ჭურვი;
• 9 ვერტმფრენი;
• 33 რადარი;
• 7888 ტყვიამფრქვევი და პისტოლეტი;
• დაახლოებით 59.66 მილიონი ტყვია;
• თითქმის 68.5 ათასი ჯავშანჟილეტი;
• 49.95 ათასზე მეტი ჩაფხუტი.

აღსანიშნავია, რომ მთლიანობაში მძიმე სატრანსპორტო თვითმფრინავებმა ევროპიდან 486 ფრენა განახორციელეს. ასევე, უკრაინისთვის იარაღის მიწოდებაში ჩართული იყო 20 გემი, 50 მატარებელი და 1.5 ათასი მისაბმელიანი ტრანსპორტი.