რუსეთმა ოდესის რეგიონში დნესტრზე ხიდი მეოთხედ დაბომბა
10 მაისს რუსმა დამპყრობლებმა კვლავ განახორციელეს სარაკეტო შეტევა ოდესის ოლქში დნესტრის შესართავზე უკვე დაზიანებულ ხიდზე. ამის შესახებ „სამხრეთის“ ოპერატიული სარდლობა იტყობინება.
"ფრთოსანი რაკეტა კვლავ იყო მიმართული ოდესის რეგიონისკენ. მტერი აგრძელებს თავდასხმებს უკვე დაზიანებულ ხიდზე დნესტრის შესართავზე", - ნათქვამია განცხადებაში, რომელიც გამოქვეყნდა ოდესის საქალაქო საბჭოს ტელეგრამის არხზე.
ოდესის რეგიონალური სამხედრო ადმინისტრაციის სპიკერმა სერგეი ბრაჩუკმა ფეისბუქზე დააკონკრეტა, რომ ეს ხიდზე მეოთხე სარაკეტო შეტევაა.
