ახალი ამბები

15 იანვარს დილით, რუსეთის არმიამ რამდენიმე ათეული ფრთოსანი რაკეტებითა და კამიკაძე-დრონებით მასირებული საჰაერო შეტევა მიიტანა უკრაინის რეგიონებზე.

 გავრცელებული ინფორმაციების თანახმად, რუსეთი სამიზნე მორიგ ჯერზე კრიტიკული ინფრასტრუქტურის ობიექტები იყო.

უკრაინის პრეზიდენტის, ვოლოდიმირ ზელენსკის თანახმად, რუსეთმა 40-ზე მეტი ფრთოსანი რაკეტა და 70-ზე მეტი კამიკაძე-დრონი გამოიყენა უკრაინის გაზისა და ელექტროენერგიის ინფრასტრუქტურის წინააღმდეგ.

პრეზიდენტის თანახმად, უკრაინის საჰაერო თავდაცვის ძალებისა და მობილური საჰაერო-საცეცხლე ჯგუფების წყალობით, ქვეყნის ენერგოსისტემის მუშაობა შენარჩუნებულია. ზელენსკის ინფორმაციით, მოგერიებულია სულ მცირე 30 რაკეტა.

რუსეთის მასირებული შეტევის შედეგად ენერგოობიექტები დაზიანდა ზაპოროჟიეს, ლვოვის და ივანო-ფრანკოვსკის ოლქებში. აფეთქებები იყო ხარკოვის, ვინიცის, ჩერკასის და სხვა ოლქებშიც. საჭირო გახდა მოსახლეობისთვის ელექტროენერგიის მიწოდების დროებით შეწყვეტა.