ახალი ამბები

საფრანგეთმა და სომხეთმა ფრანგული CAESAR-ის თვითმავალი საარტილერიო სისტემების მიწოდებაზე კონტრაქტი გააფორმეს.

ამის შესახებ საფრანგეთის თავდაცვის მინისტრმა სებასტიან ლეკორნუმ სოციალურ ქსელ X-ში განაცხადა.

ლეკორნუმ აღნიშნა, რომ ევროპაში ერთ-ერთი უდიდესი თავდაცვის ინდუსტრიის გამოფენის დროს, ის თავის სომეხ კოლეგას, სურენ პაპიკიანს შეხვდა.

"ჩვენ ვაგრძელებთ სომხეთთან თავდაცვის სფეროში ურთიერთობის განმტკიცებას. ახალი მნიშვნელოვანი ეტაპია CAESAR-ის შესყიდვის ხელშეკრულების გაფორმება," - წერს ფრანგი მინისტრი.

CAESAR-ის თვითმავალ ჰაუბიცას ფრანგული თავდაცვითი ინდუსტრიული კომპანია Nexter აწარმოებს.