ახალი ამბები

ნატოს გენერალურმა მდივანმა იენს სტოლტენბერგმა უარყო წინადადებები უკრაინისთვის კასეტური საბრძოლო მასალის მიწოდების შესახებ. ამის შესახებ მან RTL/ntv-ს 18 თებერვალს, მიუნხენის უსაფრთხოების კონფერენციაზე განუცხადა.

"ნატოს არ გაუცია რეკომენდაცია და არ გადაუცია ამ ტიპის იარაღი. ჩვენ ვაწვდით არტილერიას და სხვა ტიპის იარაღს, მაგრამ არა კასეტურ ბომბებს", - განაცხადა სტოლტენბერგმა.

უკრაინის საგარეო საქმეთა მინისტრმა დმიტრო კულებამ 18 თებერვალს გამართულ ბრიფინგზე განაცხადა, რომ უკრაინას აქვს მტკიცებულებები რუსი სამხედროების მიერ კასეტური საბრძოლო მასალის გამოყენების შესახებ.

"ჩვენ არ ვართ იმ კონვენციის ნაწილი, რომელიც კრძალავს მათ გამოყენებას. ამიტომ, იურიდიულად, არანაირი დაბრკოლება არ არსებობს. და თუ ჭურვებს მივიღებთ, მათ გამოვიყენებთ ექსკლუზიურად რუსული სამხედრო ძალების წინააღმდეგ", - თქვა მან.