ახალი ამბები

გერმანიამ კიევს ქვეითთა ​​საბრძოლო მანქანები Marder და ტანკები Leopard 2 დაუყოვნებლივ უნდა მიაწოდოს. ამის შესახებ ბუნდესტაგის თავდაცვის კომიტეტის ხელმძღვანელმა მარი-აგნეს სტრაკ-ციმერმანმა განაცხადა.

მან გერმანიის მთავრობას მოუწოდა წვლილი შეიტანოს უკრაინის წარმატებაში.

"ახლა გაურკვევლობისა და ყოყმანის დრო არ არის", - აღნიშნა პოლიტიკოსმა.

მისი თქმით, უკრაინის არმიის წინსვლა და პირველი დაბრუნებული ტერიტორიები "მეტყველებს უკრაინის საბრძოლო ძალაზე და ოკუპირებული ქვეყნის დაბრუნების უპირობო ნებაზე".

ციმერმანი გერმანიის სამთავრობო კოალიციის ერთ-ერთი პარტიის, თავისუფალი დემოკრატების (FDP) წევრია.

9 სექტემბერს ბუნდესტაგში გერმანელი ქრისტიან-დემოკრატების (CDU) ლიდერმა ფრიდრიხ მერცმა ხელისუფლებას უკრაინისთვის 100 ჯავშანტრანსპორტიორის გაგზავნისკენ მოუწოდა.

"თუ რუსეთი გააჩუმებს იარაღს, ომი დასრულდება. თუ იარაღს უკრაინა დაყრის, ამ ქვეყნის სუვერენიტეტი დასრულდება", - თქვა მერცმა.