ახალი ამბები

უკრაინის შეიარაღებული ძალები აგრძელებენ რუსი დამპყრობლების სამეთაურო პუნქტების და საბრძოლო მასალის განადგურებას ამერიკული ზალპური ცეცხლის რეაქტიული სისტემა HIMARS-ის დახმარებით.

ამის შესახებ უკრაინის შეიარაღებული ძალების გენერალური შტაბის მთავარი ოპერატიული დირექტორატის უფროსის მოადგილე ოლექსი გრომოვმა 4 აგვისტოს უკრაინის მედია ცენტრში გამართულ ბრიფინგზე ისაუბრა.

"კვირის განმავლობაში, ჩვენმა ჯარებმა (სარაკეტო და საარტილერიო დანაყოფები), პარტნიორი ქვეყნებიდან მიღებული HIMARS-ის წყალობით, დაარტყეს სხვადასხვა დონის 10-ზე მეტ სამეთაურო პუნქტს, მათ შორის დივიზიის დონის სამ სამეთაურო პუნქტს, 15 საწყობს და საბრძოლო მასალის, საწვავის და საპოხი მასალების ლოგისტიკურ ბაზას", - განაცხადა გრომოვმა.

გარდა ამისა, მისი თქმით, უკრაინის შეიარაღებულმა ძალებმა გაანადგურეს აგრესორის სამი რადიოლოკაციური დაზვერვის სადგური.