ახალი ამბები

სოციოლოგიური კომპანია “რეიტინგის” მიერ ჩატარებული კვლევის მიხედვით, უკრაინელების 23% ქვეყნის საუკეთესო პრეზიდენტად ლეონიდ კუჩმას მიიჩნევს.

გამოკითხულთა 18% საუკეთესო პრეზიდენტად უკრაინის მოქმედ ლიდერს, ვოლოდიმირ ზელენსკის თვლის. 

მესამე ადგილზე ქვეყნის ყოფილი პრეზიდენტი პეტრო პოროშენკოა - 14%.

მას მოსდევს ვიქტორ იანუკოვიჩი - 13%, უკრაინის პირველი პრეზიდენტი ლეონიდ კრავჩუკი - 12% და ბოლო ადგილზეა უკრაინის მესამე პრეზიდენტი ვიქტორ იუშენკო 7%.

ამავდროულად, რესპონდენტების 9% აცხადებს, რომ საუკეთესო არცერთი მათგანი არ ყოფილა.

სულ სატელეფონო ინტერვიუების მეთოდით 2500 რესპონდენტი გამოიკითხა. კვლევის ცდომილების ზღვარი 0.95-2%-ია.