ახალი ამბები

24 თებერვლის შემდეგ რუსმა ოკუპანტებმა უკრაინის მასშტაბით 1370 რაკეტა გაისროლეს. ამის შესახებ ინფორმაცია 31 მარტს ფეისბუქზე უკრაინის თავდაცვის სამინისტრომ გაავრცელა.

"რუსი ჯარისკაცები უკრაინაში ჩავიდნენ მოსაკლავად და გასანადგურებლად: რუსეთმა 1370 რაკეტა ესროლა უკრაინას; 148 ბავშვი დაიღუპა რუსი ფაშისტების დაბომბვისა და საჰაერო თავდასხმების დროს; 10 მილიონზე მეტმა უკრაინელმა დატოვა სახლები ომის გამო; რუსეთმა უკრაინის 15 აეროპორტი გაანადგურა. დამპყრობლები ყოველდღე ჩადიან სისასტიკეს. ჩვენ არ ვაპატიებთ პუტინის დამნაშავეებს! ჩვენ შურს ვიძიებთ ყველა ტკივილისა და მწუხარების გამო", - ნათქვამია განცხადებაში.