ახალი ამბები

უკრაინის სახელმწიფო კონცერნმა "Укроборонпром"-მა შეიარაღებულ ძალებს 122 მმ-იანი ჭურვების პარტია გაუგზავნა, რომლის წარმოებაც საზღვარგარეთ დაიწყო. ამ ინფორმაციას კომპანიის პრესსამსახური აქვეყნებს.

"სახელმწიფო კონცერნმა Укроборонпром-მა, ნატოს ქვეყანასთან თანამშრომლობით, დაიწყო 122 მმ-იანი საარტილერიო ჭურვების საზღვარგარეთ წარმოება და უკვე მოახერხა უკრაინის შეიარაღებული ძალებისთვის პარტიების გაგზავნა." - ვკითხულობთ განცხადებაში.

კომპანიის თქმით, ეს არის მესამე ტიპის საბრძოლო მასალა, 120 მმ-იანი ნაღმტყორცნებისა და 125 მმ-იანი სატანკო ჭურვების შემდეგ, რომელიც უკრაინული ტექნოლოგიით და უცხოურ ობიექტებში, უკრაინელი სპეციალისტების ჩართულობით მზადდება.

სახელმწიფო კონცერნმა განმარტა, რომ 122 მმ-იან ჭურვებს უკრაინული ბუქსირებადი ჰაუბიცა Д-30 და თვითმავალი ჰაუბიცა "Гвоздика" იყენებს.