ახალი ამბები

2022 წლის არჩევნებში, პრემიერობის კანდიდატის გამოსავლენად ჩატარებულ უნგრეთის ოპოზიციის პრაიმერიზში, მემარჯვენე-კონსერვატორმა პოლიტიკოსმა, პეტერ მარკი-ზაიმ გაიმარჯვა.

49 წლის მარკი-ზაიმ, რომელიც სამხრეთუნგრული ქალაქის მერია, კენჭისყრაში მემარცხენე-ლიბერალური კოალიციის კანდიდატი, ევროპარლამენტარი კლარა დობრევი დაამარცხა. კენჭისყრაში მონაწილეობა 600 ათასზე მეტმა უნგრელმა მიიღო.

„ჩვენ ახალი უნგრეთის აშენება გვსურს“, - განაცხადა ოპოზიციის რჩეულმა პოლიტიკოსმა.

პრაიმერიზში სულ ექვსი ოპოზიციური პარტია მონაწილეობდა, რომლებიც კოალიციად გაერთიანების გზით, უნგრეთის მაჟორიტარულ ოლქებში, მმართველი პარტია „ფიდეშის“ დომინირების დასრულებას ცდილობენ.

ანალიტიკოსები ფიქრობენ, რომ მარკი-ზაის საარჩევნოდ მოქმედი პრემიერის, რადიკალური კონსერვატიული განწყობებით ცნობილი ვიქტორ ორბანის ამომრჩევლის გადაბირება შეუძლია.

უნგრეთში საპარლამენტო არჩევნები 2022 წლის გაზაფხულზე ჩატარდება.