ახალი ამბები

რუსეთში, ნიჟნეკამსკში ნავთობის ქიმიურ ქარხანაში აფეთქება მოხდა.

არსებული ვითარება: აფეთქების შედეგად დაიღუპა 3 ადამიანი, კიდევ 6 პირი დაკარგულად ითვლება.

• გარდა ამისა, მომხდარი ავარიის შედეგად დაშავდა ქარხნის 72 თანამშრომელი.
  
  
• ქარხანა მსხვილ რუსულ კომპანია "სიბურ"-ს ეკუთვნის.
  
  
• დაშავებულთა რაოდენობით ეს რუსეთში მომხდარი ერთ-ერთი ყველაზე მსხვილი ტექნოგენური ავარიაა.
  
  
• აფეთქების მიზეზად გაზის ნარევის აალება სახელდება.

ჩაშლილად: ამ ეტაპზე ზუსტად უცნობია, თუ რა ეკოლოგიური შედეგები მოყვება აფეთქებას.

• ადგილობრივი მაცხოვრებლების თქმით, ქალაქში დგას კვამლი, რომელიც აღიზიანებს სასუნთქ გზებს და წვავს თვალებს.
  
  
• აფეთქების მომენტში ქალაქი შეზანზარდა, რამდენიმე საცხოვრებელ სახლში ჩაიმსხვა შუშები.
  
  
• საგამოძიებო კომიტეტმა სამრეწველო უსაფრთხოების წესების დარღვევის მუხლით აღძრა საქმე.

წინარე ისტორია: 2021 წელს რევიზიამ ქარხანაში 696 დარღვევა აღმოაჩინა.

• 2018 წელს ნიჟნეკამენსკის მაცხოვრებლები ჰაერის დაბინძურებას უჩიოდნენ. ეკოლოგების მიერ ჩატარებული კვლევების თანახმად, ჰაერი ნორმაზე ორჯერ მეტად იყო დაბინძურებული.
  
  
• ამჯერად ადგილობრივი ხელისუფლება ამბობს, რომ აფეთქებამ ჯანმრთელობისთვის საშიში ჰაერის დაბინძურება არ გამოიწვია.
  
  
• მიუხედავად ამისა, ქალაქში გაუქმდა ყველა სპორტული, სოციალური და კულტურული ღონისძიება.

სიღრმისეულად: როგორც ქარხნის საიტზე წერია, "სიბურის" ობიექტი სინთეტიკური კაუჩუკის მსოფლიო მარაგის 42%-ს აწარმოებდა.

• ქარხნის ადმინისტრაციის თქმით, ავარიის შედეგად გაჩერებულია წარმოების 6%.