ახალი ამბები

რუსეთის პრეზიდენტის ადმინისტრაციამ, 9 მაისის აღლუმზე უცხოელ ჟურნალისტებს აკრედიტაცია გაუუქმა.

ვითარების არსი: ერთ-ერთი გამოცემა, რომელიც აკრედიტაციის გარეშე დარჩა გერმანული Der Spiegel გახდა. ჟურნალისტს კრემლიდან ტელეფონით დაუკავშირდნენ.

• "შექმნილი სიტუაციიდან გამომდინარე, აღლუმის გაშუქების ფორმატი შეიცვალა, რის გამოც უცხოური მედიასაშუალებები, რომლებმაც აკრედიტაცია უკვე მიიღეს, აღარ დაიშვებიან". - განუცხადა კრემლის წარმომადგენელმა Der Spiegel-ის ჟურნალისტს.
  
  
• აკრედიტაცია გაუუქმდათ ასევე მედიებს: ARD, ZDF, Sky, Rai, NHK, AFP.
  
  
• რამდენიმე უცხოურ გამოცემას განუცხადეს, რომ აღლუმზე "მხოლოდ რუსული მედია დაიშვება".

კონტექსტი: წლევანდელი 9 მაისის აღლუმი მოსკოვში უსაფრთხოების უპრეცედენტო ზომების პირობებში ჩატარდება.

• უკრაინაში ომის დაწყებიდან პირველად აღლუმზე არ იქნება სამხედრო ტექნიკა.
  
  
• წითელ მოედანზე უკვე დამაგრებულია ბადეები, რომლებიც უპილოტო საფრენი აპარატებისგან თავის დასაცავად გამოიყენება.
  
  
• გარდა ამისა, მოსკოვსა და სანქტ-პეტერბურგში 9 მაისს გაითიშება მობილური ინტერნეტი.
  
  
• ოფიციალური მიზეზი უკრაინის მხრიდან დრონებით თავდასხმის საშიშროებაა.
  
  
• თუმცა დასავლური მედიები ერთ-ერთი ევროპული ქვეყნის დაზღვევის ანგარიშზე დაყრდნობით წერენ, რომ კრემლის მიერ მიღებული უსაფრთხოების ზომები ვლადიმირ პუტინის პარანოიას უკავშირდება, რომელსაც სახელმწიფო გადატრიალების შიში აქვს.