ახალი ამბები

15 ნოემბერს, სანქტ-პეტერბურგში რუსი პროპაგანდისტის, ვლადენ ტატარსკის აფეთქების საქმეზე სასამართლო პროცესი დაიწყო.

დასავლეთის მე-2 ოლქის სამხედრო სასამართლოს პირველ საველე სხდომაზე ბრალდებულმა დარია ტრეპოვამ განაცხადა, რომ იგი არ აღიარებს ბრალს "ტერორისტული აქტის" და "ასაფეთქებელი მოწყობილობებით უკანონო ვაჭრობის" მუხლებით და გაიმეორა ადრე მიცემულ ჩვენება. ტრეპოვამ სრულად აღიარა დანაშაული "საბუთების გაყალბების" მუხლით.

საბრალდებო დასკვნა სასამართლოში წაიკითხეს. გამომძიებლების თქმით, 2023 წლის 2 აპრილს, ტრეპოვამ, უკრაინელი კურატორების დავალებით, Street Food Bar № 1 ბარში ასაფეთქებელი ნივთიერებით სავსე ფიგურა მიიტანა და "სამხედრო კორესპონდენტ" ტატარსკის გადასცა. აფეთქების შედეგად ტატარსკის დაიღუპა და 52 ადამიანი დაშავდა. 

სასამართლოს წინაშე წარსდგა დიმიტრი კასინცევიც, რომლის ბინაშიც ტრეპოვა დააკავეს. მას ბრალად "დანაშაულის დამალვა" ედება. მან ნაწილობრივ აღიარა დანაშაული, მაგრამ არ დაეთანხმა დანაშაულის კლასიფიკაციას - თავდაპირველად ეჭვმიტანილი იყო "დანაშაულის შეუტყობინებლობაში," მაგრამ შემდეგ ბრალდება დაემატა.

კასინცევი შინაპატიმრობაშია, ტრეპოვა კი წინასწარი დაკავების იზოლატორში. სასამართლომ შემდეგი სხდომა 17 ნოემბერს დანიშნა.