ახალი ამბები

უკრაინის პრეზიდენტი ვოლოდიმირ ზელენსკი და საფრანგეთის პრეზიდენტი ემანუელ მაკრონი 9 თებერვალს დილით ბრიუსელში გაემგზავრნენ. ამ ინფორმაციას BFMTV ავრცელებს.

არხის ცნობით, ისინი აეროპორტში ადგილობრივი დროით 8:30 საათზე მივიდნენ, თვითმფრინავი კი 9:00 საათზე აფრინდა. 

კონტექსტი

9-10 თებერვალს ბრიუსელში ევროპული საბჭოს საგანგებო სხდომა გაიმართება, რომელშიც ევროკავშირის ყველა ლიდერი მიიღებს მონაწილეობას. ზელენსკი სამიტზე საპატიო სტუმრის სტატუსით არის მიწვეული. ის ევროპარლამენტში სიტყვით გამოვა და ევროკავშირის ლიდერებს შეხვდება.

The Guardian-ის წყარომ განაცხადა, რომ თანამოსაუბრის თქმით, ზელენსკი ევროპელ ლიდერებს მოუწოდებს, დააჩქარონ უკრაინისთვის იარაღის მიწოდება და არ შეუქმნან დაბრკოლებები ქვეყანას ევროკავშირში გაწევრიანების გზაზე.

"ჩემი პრეზიდენტის ვიზიტის მიზანი შედეგების მიღებაა", - განუცხადა უკრაინულმა წყარომ The Guardian-ს.

მან აღნიშნა, რომ უკრაინის ევროპელმა მოკავშირეებმა უნდა დააჩქარონ იარაღის მიწოდება, "რადგან მომდევნო ორი თვე კრიტიკული იქნება."

The Guardian-ის წყაროებმა ევროკავშირიდან, ზელენსკის ვიზიტს ბრიუსელში უკვე უწოდეს ისტორიული.