ზელენსკი: რუსეთმა ევროპაში კვლავ მოიტანა ტოტალური ომის ბოროტება
ევროპაში დღეს განიხილავენ ფასს, რომელიც უნდა გადაიხადონ, რათა შეაჩერონ რუსეთის შეიარაღებული აგრესია უკრაინის წინააღმდეგ. ამის შესახებ უკრაინის პრეზიდენტმა ვოლოდიმირ ზელენსკიმ 9 მაისს საღამოს განაცხადა.
”ევროპის დედაქალაქებში მთავარი თემა არის მშვიდობის ფასი, რომელიც ჯერ კიდევ უნდა გადაიხადონ რუსეთის მიერ გაჩაღებული ომის შესაჩერებლად. ასევე ფასი რუსეთისთვის, რომელმაც დააბრუნა ევროპაში ტოტალური ომის ბოროტება ჩვენი ხალხის განადგურების მიზნით,” - განაცხადა მან.
უკრაინის პრეზიდენტმა თქვა, რომ დარწმუნებულია ახლა მოსკოვშიც ეს არის მთავარი თემა.
„მათ შეუძლიათ ნებისმიერი რამ თქვან პროპაგანდაში, ნება მიეცით და გააკეთონ ნებისმიერი პოლიტიკური განცხადება. მაგრამ რეალობის შეცვლა შეუძლებელია. რეალობას სიმშვიდე სჭირდება. და ერთადერთი დამნაშავე იმაში, რომ მსოფლიო დაინგრა არის და დარჩება რუსეთის სახელმწიფო. ეს რუსეთისთვის ისტორიული პასუხისმგებლობაა“, - თქვა ზელენსკიმ.
