ახალი ამბები

რუსეთმა უკრაინის წინააღმდეგ ომი უნდა წააგოს. ამის შესახებ უკრაინის პრეზიდენტმა ვოლოდიმირ ზელენსკიმ 25 თებერვალს, კაუნასში, საერთაშორისო ფორუმის მონაწილეებისადმი მიმართვისას განაცხადა.

"რუსეთმა უკრაინაში უნდა წააგოს. რუსულმა რევანშიზმმა სამუდამოდ უნდა დაივიწყოს კიევი და ვილნიუსი, კიშინოვი და ვარშავა, ჩვენი ძმები ლატვიაში და ესტონეთში, საქართველოში და ნებისმიერ სხვა ქვეყანაში, რომლებსაც რუსი მკვლელები ემუქრებიან", - განაცხადა უკრაინის პრეზიდენტმა.

მან ლიეტუვას უკრაინის დახმარებისთვის მადლობა გადაუხადა.

ზელენსკის თქმით, მას სჯერა, რომ უკვე 2023 წელს "ჩვენ შეგვიძლია დავამატოთ კიდევ ერთი ეტაპი ჩვენს ისტორიას: საერთო გამარჯვება საერთო მტრის წინააღმდეგ ომში."

პრეზიდენტმა ასევე გაიხსენა მის მიერ შემოთავაზებული უკრაინული მშვიდობის ფორმულა.

"უკრაინული მშვიდობის ფორმულა არის 10 პუნქტი, რომელიც იძლევა ზუსტად ასეთ გარანტიებს. ეს აშკარად აუცილებელი უსაფრთხოების პუნქტებია. ეს აშკარად აუცილებელი უკრაინის დეოკუპაციაა. და ეს აშკარად აუცილებელი სამართლიანობაა ყველასთვის, ვინც დაზარალდა რუსული აგრესიით. დედამიწაზე არც ერთ ადამიანს არ უნდა დაემუქროს შიმშილი და რადიაციული კატასტროფები, აგრესია და ტერორი, ენერგომომარაგების შეწყვეტა და საერთაშორისო სამართლის უმოქმედობა, დეპორტაციები და ეკოციდები. ეს ყველაფერი რუსეთს თავისი აგრესიით გააქვს. ჩვენ ყველაფერს წავართმევთ. ჩვენი გმირი მეომრები ამას გააკეთებენ. ჩვენი თანამშრომლობა თქვენთან და მთელ სამყაროსთან ამას მიგვაღწევინებს. ჩვენი მშვიდობის ფორმულა ამას გააკეთებს. და შედეგად, ჩვენ მშვიდობის ჩვენს ფორმულას ვაქცევთ ახალი უსაფრთხოების საფუძვლად ყველასთვის, ევროპაში და მსოფლიოში, ვინც სიცოცხლეს აფასებს", - განაცხადა მან.