ახალი ამბები

2023 წლის მაისის მდგომარეობით, უკრაინელების 95% ენდობა შეიარაღებულ ძალებს და 80% - პრეზიდენტ ვოლოდიმირ ზელენსკის.

საზოგადოებრივი აზრის კვლევა კიევის საერთაშორისო სოციოლოგიის ინსტიტუტმა ჩაატარა.

"უკრაინელების 95% ენდობა უკრაინის შეიარაღებულ ძალებს და 80% ენდობა პრეზიდენტ ზელენსკის. და მიუხედავად იმისა, რომ საერთაშორისო მედიის დიდი ყურადღება კონცენტრირებულია უკრაინის მიერ მეტი იარაღისა და აღჭურვილობის მოთხოვნაზე, უკრაინელებს არ სურთ მხოლოდ ძლიერი არმია - მათ სურთ ძლიერი და ინკლუზიური დემოკრატია. 2023 წლის მაისში უკრაინელების 94%-მა თქვა, რომ მნიშვნელოვანია, რომ უკრაინა გახდეს სრულად მოქმედი დემოკრატია." - განაცხადა ინსტიტუტმა.

სოციოლოგების თქმით, ამ კითხვას რამდენიმე წელია სვამენ, მაგრამ ასეთი შედეგი არასდროს უნახავთ: "შედარებისთვის, 2021 წლის დეკემბერში უკრაინელების მხოლოდ 76%-მა თქვა, რომ უკრაინისთვის "მნიშვნელოვანი" ან "ძალიან მნიშვნელოვანი" იყო სრულად მოქმედი დემოკრატია."

გარდა ამისა, ნატოსა და ევროკავშირში გაწევრიანების მხარდაჭერა უმაღლეს დონეზეა.

უკრაინელების 92% მხარს უჭერს ქვეყნის ევროკავშირში გაწევრინებას, ხოლო 89% - ნატოში.

ომისა და სისასტიკეების ერთ წელის შემდეგ, უკრაინელებს არ სჯერათ, რომ რუსეთი კეთილსინდისიერად შეასრულებს მოლაპარაკების პირობებს.

2022 წლის მაისში გამოკითხულთა 59% ღია იყო რუსეთთან სამშვიდობო მოლაპარაკებებისთვის. 2023 წლის მაისისთვის მოლაპარაკებების მომხრეების რაოდენობა 33%-მდე შემცირდა, მოლაპარაკების მოწინააღმდეგეების რაოდენობა კი 63%-მდე გაიზარდა.

უკრაინელები ასევე დარწმუნებულნი არიან, რომ ქვეყანას შეუძლია კორუფციის აღმოფხვრა. უკრაინელები კორუფციის წინააღმდეგ ბრძოლაში ენდობიან ხელისუფლებას, კერძოდ ეროვნულ ანტი-კორუფციულ ბიუროს.