აშშ-ის სახელმწიფო დეპარტამენტი ადასტურებს, რომ ბლინკენი მოლდოვასა და ჩეხეთს ეწვევა
.png)
აშშ-ის სახელმწიფო დეპარტამენტმა ოფიციალურად დაადასტურა, რომ სახელმწიფო მდივანი ენტონი ბლინკენი მოლდოვასა და ჩეხეთს ეწვევა.
ამის შესახებ სახელმწიფო დეპარტამენტის სპიკერმა მეთიუ მილერმა განაცხადა.
მილერმა გამოაქვეყნა განცხადება, რომ სახელმწიფო მდივანი მოლდოვასა და ჩეხეთს 28-31 მაისს ეწვევა, "ჩვენი ძლიერი ორმხრივი ურთიერთობების ხაზგასასმელად."
პრაღაში ბლინკენი, ორმხრივი შეხვედრების გარდა, მონაწილეობას მიიღებს ნატოს საგარეო საქმეთა მინისტრების არაფორმალურ შეხვედრაში, რათა განიხილონ ნატოს სამიტის პრიორიტეტები ვაშინგტონში, რომელიც ივლისში ჩატარდება.
ბოლოს ბლინკენი მოლდოვაში 2022 წლის მარტში ჩავიდა.
დამატებით განცხადებაში, სახელმწიფო დეპარტამენტმა აღნიშნა, რომ კიშინოვში ვიზიტის დროს ბლინკენი მოლდოვის პრეზიდენტ მაია სანდუს და სხვა ოფიციალურ პირებს შეხვდება. ბლინკენი "ადასტურებს აშშ-ის მხარდაჭერას მოლდოვას ევროკავშირის წევრობისა და ენერგეტიკული უსაფრთხოების მიმართ."
პრაღაში ბლინკენი თავის ჩეხ კოლეგას იან ლიპავსკის და სხვა მაღალჩინოსნებს შეხვდება.
გასულ კვირას ბლინკენი კიევს ეწვია.
The New York Times წერს, რომ აშშ-ის სახელმწიფო დეპარტამენტი, ენტონი ბლინკენის ხელმძღვანელობით, მუშაობს წინადადებაზე, რათა შეასუსტოს აკრძალვა უკრაინისთვის, გამოიყენოს ამერიკული იარაღი რუსეთის ტერიტორიაზე არსებული სამიზნეების წინააღმდეგ.
.jpeg)
