აშშ: რუსეთის მიერ ბირთვული ან "ბინძური ბომბების" გამოყენებას შედეგები მოჰყვება
რუსეთის მიერ ე.წ. "ბინძურ ბომბის" ან ჩვეულებრივი ატომური ბომბის გამოყენებას "ღრმა" შედეგები მოჰყვება. ამის შესახებ 24 ოქტომბერს Reuters-ის ცნობით, აშშ-ის სახელმწიფო დეპარტამენტის ოფიციალურმა წარმომადგენელმა ნედ პრაისმა განაცხადა.
კითხვაზე, მოიქცეოდა თუ არა ვაშინგტონი "ბინძური ბომბის" გამოყენებისას ისე, როგორც ბირთვული ბომბის შემთხვევაში, პრაისმა დაადასტურა, რომ რუსეთისთვის მის გამოყენებას "შედეგები" მოჰყვება.
მან აღნიშნა, რომ ვაშინგტონმა ეს კრემლს "ძალიან მკაფიოდ" უთხრა.
აშშ-ის სახელმწიფო დეპარტამენტის წარმომადგენელმა აღნიშნა, რომ თუ რუსეთი გამოიყენებს "ბინძურ ბომბს", ეს რუსეთის პრეზიდენტ პუტინის სისასტიკის კიდევ ერთი მაგალითი იქნება.
პრაისმა დასძინა, რომ მოსკოვმა მნიშვნელოვანია იცოდეს "შედეგების ღრმა ბუნება", რომელიც ბირთვული იარაღის გამოყენებას მოჰყვება.
მანამდე საგარეო საქმეთა მინისტრმა დმიტრო კულებამ აშშ-ის სახელმწიფო მდივან ენტონი ბლინკენთან ისაუბრა რუსეთის დეზინფორმაციაზე უკრაინაში სავარაუდო "ბინძური ბომბის" დამზადების შესახებ.
