ახალი ამბები

აშშ-ის პრეზიდენტის ჯო ბაიდენის ადმინისტრაცია "ღიაა" უკრაინას მიაწოდოს შორ მანძილზე მოქმედი ფრთოსანი რაკეტა JASSM.

ამის შესახებ Politico-მ 15 აგვისტოს ანონიმურ წყაროზე დაყრდნობით დაწერა.

გამოცემას წყარომ განუცხადა, რომ უკრაინაში რაკეტების გაგზავნის შესახებ საბოლოო გადაწყვეტილება მიღებული არ არის, მაგრამ თეთრი სახლი ახლა ამ საკითხზე "კომპლექსურ დეტალებს" ამუშავებს. კერძოდ, უკრაინული თვითმფრინავების მიერ 1088 კგ წონის რაკეტის გაშვების შესაძლებლობაზე, რომელსაც 454 კგ ქობინი აქვს.

JASSM-ის რაკეტის გაშვება შესაძლებელია F-16-ის გამანადგურებლებიდან.

ეს რაკეტა, რომელიც შეიქმნა Lockheed Martin-ის მიერ და პირველად 2000-იანი წლების დასაწყისში გამოიყენეს. თუმცა, საბრძოლო ოპერაციებში მონაწილეობა მან იშვიათად მიიღო და მხოლოდ ვაშინგტონის რამდენიმე ახლო მოკავშირეს გადაეცა.

პოლონეთს, ავსტრალიასა და ფინეთს უკვე აქვთ ეს რაკეტები, ხოლო იაპონიამ და ნიდერლანდებმა რაკეტების შესყიდვის შესახებ შეთანხმებას ივლისში მოაწერეს ხელი, მათი მიწოდება უახლოეს წლებში იგეგმება. გერმანია, საბერძნეთი, რუმინეთი და დანია ასევე აწარმოებენ მოლაპარაკებებს JASSM-ის რაკეტების შეძენაზე.