ბორელი: რუსეთმა უკრაინის აღდგენის საფასური უნდა გადაიხადოს

რუსეთმა, რომლის ჯარმაც 2022 წლის თებერვალში სრულმასშტაბიანი ინტერვენცია დაიწყო, უკრაინას ომით მიყენებული ზიანი უნდა აუნაზღაუროს.

ამის შესახებ 9 მარტს, სტოკჰოლმში, გამართულ პრესკონფერენციაზე ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ჟოზეპ ბორელმა განაცხადა.

"რუსეთმა უნდა აანაზღაუროს უკრაინისა და მისი ხალხისთვის მიყენებული უზარმაზარი დანაკარგები და ზარალი. მან უნდა გადაიხადოს უკრაინის აღდგენის საფასური", - თქვა ევროპელმა დიპლომატმა. "ამ მიზნით, საერთაშორისო სამართლის შესაბამისად, ჩვენ გავააქტიურებთ მუშაობას გაყინული და დაბლოკილი რუსული აქტივების გამოყენებაზე."

ბორელმა აღნიშნა, რომ უკრაინის ომის შემდგომი რეკონსტრუქცია "დიდი ამოცანა" იქნება.

მსგავსი სიახლეები