ახალი ამბები

ბრიტანეთის მთავრობის თანახმად, რუსულმა ჰაკერულმა ჯგუფმა კიბერთავდასხმების მეშვეობით ინფორმაცია მოიპარა, შემდეგ კი გაასაჯაროვა.

თავდასხმის სამიზნეებს შორის ბრიტანელი პარლამენტარიც იყო, რომელმაც თებერვალში უთხრა BBC-ის, რომ მისი იმეილები მოიპარეს.

ევროპის საკითხებში საპარლამენტო მდივანმა, ლეო დოქერტიმ თემთა პალატაში თქვა, რომ ამ ფაქტის გამო რუსეთის ელჩი საგარეო საქმეთა სამინისტროში დაიბარეს, ორ ადამიანს კი სანქციები დაუწესეს. ერთ-ერთი მათგანი კი ФСБ-ს მოქმედი ოფიცერია.

ჰაკერულ ჯგუფს ბრიტანეთი ბრალს სდებს ასობით კიბერთავადასხმაში პოლიტიკოსების, საჯარო მოხელეების, მკვლევრების, ჟურნალისტებისა და სხვა საჯარო პირების წინააღმდეგ.

ჰაკერებს მიზანში ძირითადად პირადი იმეილები ჰქონდათ ამოღებული.

ФСБ-სთან დაკავშირებული ჯგუფი ცენტრი 18 ბრიტანეთის პოლიტიკურ და საზოგადოებრივ ცხოვრებაში ჩართულ ადამიანებს 2015 წლიდან ესხმის თავს.

ბრიტანეთმა რუსეთს 2019 წლის საპარლამენტო არჩევნებში ჩარევის გამო საჯაროდ ბრალი ადრეც დასდო - მაშინ გასაჯაროვდა კონსერვატორი დეპუტატის, ლიამ ფოქსის დოკუმენტები აშშ-სა და ბრიტანეთის ვაჭრობის შესახებ.