ახალი ამბები

ბრიუსელის ოფიციალური პირები უკრაინასთან ევროკავშირში გაწევრიანებაზე მოლაპარაკებების დაწყებას მომდევნო თვეში გეგმავენ. ამის შესახებ Politico ინფორმირებულ წყაროზე დაყრდნობით წერს.

დიპლომატები ევროკავშირიდან და კიევიდან ინტენსიურად მუშაობენ, რათა უნგრეთის მთავრობა დაარწმუნონ, რომ დათანხმდეს უკრაინის გაწევრიანებაზე მოლაპარაკებების დაწყებას.

ხუთმა დიპლომატმა, რომლებმაც ანონიმურობის პირობით ისაუბრეს, აღნიშნეს, რომ მიზანია ოფიციალური მოლაპარაკებების 25 ივნისს დაწყება.

მოლაპარაკებების გახსნა უკრაინაში საზოგადოებრივ განწყობას პოზიტიურად შეცვლის.

ევროკავშირის ლიდერებმა გასული წლის დეკემბერში უკრაინის პრეზიდენტ ვოლოდიმირ ზელენსკის პირობა მისცეს, რომ უკრაინა ევროკავშირის წევრი გახდება, მაგრამ გაწევრიანების შესახებ მოლაპარაკებების დაწყების ოფიციალური სამართლებრივი პროცედურა უნგრეთის ოპოზიციამ შეაჩერა.

დიპლომატების თქმით, ბრიუსელიც და კიევიც ბუდაპეშტთან ინტენსიურ ორმხრივ მოლაპარაკებებში არიან ჩართული.

აპრილში, უკრაინის პრეზიდენტის ადმინისტრაციის უფროს ანდრი ერმაკსა და უნგრეთის საგარეო საქმეთა მინისტრს პეტერ სიიარტოს შორის მოლაპარაკებების შემდეგ, "მხარეებმა აღნიშნეს დიალოგის პოზიტიური დინამიკა."

ევროკავშირის ერთმა დიპლომატმა აღნიშნა, რომ უნგრეთს შესაძლოა სურდეს უკრაინის გაწევრიანებასთან დაკავშირებული მოლაპარაკებების თავიდან აცილება მანამ, სანამ ივლისში ევროპული საბჭოს 6-თვიანი როტაციული თავმჯდომარე გახდება.

"არსებობდა აზრი, რომ ეს არ მომხდარიყო [9 ივნისის ევროპარლამენტის] არჩევნებამდე, რადგან ეს შეიძლება გახდეს არჩევნების საკითხი," - თქვა ევროკავშირის დიპლომატმა. "ახლა ჩვენ ვეძებთ ამ შესაძლებლობას ივნისში. თუ თქვენ უნგრელები ხართ, გირჩევნიათ ეს [უკრაინის წევრობის შესახებ დისკუსიები] პრეზიდენტობამდე თავიდან აიცილოთ."

უკრაინის ევროკავშირში გაწევრიანების პროცესში შემდეგი ნაბიჯი ოფიციალური მოლაპარაკებების დაწყებაა, უკრაინასთან სამთავრობათაშორისო კონფერენციის მეშვეობით. 

უკრაინა და მისი მხარდამჭერები ევროკავშირში ბრიუსელსა და კიევს შორის, მთავრობათაშორისი კონფერენციის ჩატარებას იქამდე ითხოვენ, ვიდრე 1 ივლისს უნგრეთი გახდება ევროპული საბჭოს როტაციული თავმჯდომარე.