ჩეხეთის სენატმა უკრაინელი სამხედროების ჩეხეთში მომზადებას მხარი დაუჭირა

ჩეხეთის სენატმა ქვეყანაში უკრაინელი სამხედროებისთვის წვრთნების ჩატარებას მხარი დაუჭირა. ამის შესახებ 1 დეკემბერს, Radio Prague International წერს.

მოსალოდნელია, რომ პროგრამის ფარგლებში ჩეხეთის ტერიტორიაზე 4000-მდე უკრაინელი მებრძოლი გაიწვრთნება.

მომავალი წლის ბოლომდე ხუთი ოთხკვირიანი კურსი უნდა ჩატარდეს, რომელთაგან თითოეულში 800-მდე უკრაინელი ჯარისკაცი მიიღებს მონაწილეობას.

ჩეხეთის პარლამენტის ზედა პალატამ ასევე მხარი დაუჭირა ჩეხი სამხედროების გაგზავნას უკრაინელების წვრთნებზე ევროკავშირის სხვა ქვეყნებში. ჩეხეთს ამ მისიისთვის 55-მდე ინსტრუქტორს გამოყოფს.

16 ნოემბერს ჩეხეთის მთავრობამ მხარი დაუჭირა უკრაინელი სამხედროების მომზადების ინიციატივას.

მსგავსი სიახლეები