ახალი ამბები

Blackrock-ის მიერ ჰონგ-კონგური კომპანიისგან პანამური პორტების შეძენა ჩინეთის კომუნისტური პარტიის წინააღმდეგობის გამო ჭიანურდება - საბოლოო შეთანხმებაზე ხელმოწერა, რომელიც მომდევნო კვირას უნდა შემდგარიყო გაურკვეველი ვადით გადაიდო. 

State Of Play: ვითარებაში გაცნობიერებული წყაროების ცნობით, CK Hutchinson-სა და Blackrock-ს შორის კომუნიკაცია აქტიურად გრძელდება, თუმცა საბოლოო შეთანხმება შესაძლო კვირებით ან რამდენიმე თვით გაჭიანურდეს. 

• მიზეზი გარიგებასთან დაკავშირებით ჩინეთის მთავრობის პოზიციაა, რომელმაც ცოტა ხნის გავრცელებულ განცხადებაში შეთანხმებას "ღალატი" უწოდა. 
  
  
• გარიგების გადავადების შესახებ ცნობები პირველად ჰონგ-კონგურმა South China Morning Post-მა გაავრცელა. 
  
  
• ამასთანავე როგორც ჩანს ჩინეთის ხელისუფლება არ არის წინააღდეგი გარიგების მეორე ნაწილის, რომელიც მსოფლიოს 23 ქვეყანაში 43 პორტის გასხვისებას გულისხმობს. 
  
  

Context: ამერიკულ Blackrock-სა და ჰონგ-კონგურ CK Hutchinson-ს შორის გარიგების შესახებ ცნობილი 4 მარტს გახდა. მეტიც, გარიგებაზე როგორც უკვე შემდგარ ფაქტზე ისაუბრა დონალდ ტრამპმა კონგრესში გამარტულ საგანგებო გამოსვლაში. 

• ინაუგურაციის შემდეგ დონალდ ტრამპმა არაერთხელ გამოთქვა უკმაყოფილება პანამის არხის ირგვლივ ჩინეთის გაზრდილი ეკონომიკური გავლენების შესახებ - ამერიკელმა პრეზიდენტი პანამის არხზე კონტროლის დამყარებასაც არ გამორიცხავს, მათ შორის ძალის გამოყენებითაც. 

• კომენტატორების ცნობით, გარიგების გაჭიანურება ჩინეთმა შესაძლოა გამოიყენოს აშშ-სთან მოსალოდნელ სატარიფო ომში.