ახალი ამბები

ბელგიის პოლიციამ 1.4 მილიარდი ევროს ღირებულების, თითქმის 28 ტონა კოკაინი ამოიღო დაშიფრული მობილური ტელეფონების ქსელის გაშიფვრის შედეგად.

პოლიციელებმა დაშიფრულ მესიჯებზე წვდომის მოპოვება Sky ECC-ის სერვისის გამოყენებით შეძლეს, რომლითაც კოკაინის მიწოდების დეტალები გაირკვა.

ბოლო 6 კვირაში ბელგიის პოლიციამ 27.64 ტონა კოკაინი ამოიღო. მათ შორის, ანტვერპენის პორტში - 11 ტონა. 

ეს პირველი შემთხვევა არ არის, როდესაც დაშიფრულ პლატფორმაზე წვდომის მოპოვების შემდეგ პოლიციამ მნიშვნელოვანი დანაშაული გახსნა. 

შარშან, საფრანგეთისა და ნიდერლანდების საგამოძიებო ორგანოებმა პლატფორმა EncroChat-ზე წვდომა მოიპოვეს. EncroChat-ს 60,000 ადამიანი იყენებდა მსოფლიოს მასშტაბით ფულის გათეთრების, უკანონო ნივთებით ვაჭრობის და მსგავსი მიზნებით იყენებდა.