ახალი ამბები

14 სექტემბერს, დილით, ოკუპირებულ ევპატორიაში აფეთქებები მოხდა. რუსეთის თავდაცვის სამინისტრომ ყირიმზე დრონების თავდასხმაზე განაცხადა, რომელთა სამიზნეც შავი ზღვის ფლოტის საპატრულო გემი "სერგეი კოტოვი" იყო. 

Суспільне-მ აღნიშნა, რომ რამდენიმე ძლიერი აფეთქება ადგილობრივმა მაცხოვრებელმა დააფიქსირა.

მოგვიანებით, იმავე გამოცემამ დაწერა, რომ ყირიმში აფეთქებები ევპატორიის დასავლეთით, სოფელ უიუტნოიეს მახლობლად მოხდა.

გარდა ამისა, ტელეგრამის არხებში გაავრცელდა აფეთქების ფოტოები და ვიდეო.

"სასწრაფო დახმარების მანქანები და მაშველები ქუჩებში მოძრაობენ. როგორც ადგილობრივმა მოსახლეობამ გამოცემას განუცხადა, აფეთქება №85683 სამხედრო ნაწილში მოხდა," - წერს Общественное.

ტელეგრამის არხი ЧП Севастополь 4 ძლიერი აფეთქების შესახებ წერს, მაგრამ ჯერჯერობით უცნობია რა აფეთქდა.

უკრაინის შეიარღებული ძალების სამხრეთის სარდლობის პრესმდივანმა ნატალია გუმენიუკმა განაცხადა, რომ თავდაცვის ძალები მტრის სამიზნეებზე მუშაობენ.

"სამხედრო ობიექტების კონცენტრაცია, აეროდრომის მახლობლად არსებობა - ეს ყველაფერი იმაზე მეტყველებს, რომ სამუშაოები მიმდინარეობს აბსოლუტურად ისე, როგორც დაგეგმილია. მიზნები კანონიერია, მიზნები სამხედროა." - აღნიშნა გუმენიუკმა.

ევპატორიისა და ყირიმის საოკუპაციო ხელისუფლებას აფეთქებებზე კომენტარი ჯერ არ გაუკეთებია.

დილის 07:22 საათზე რუსეთის თავდაცვის სამინისტრომ განაცხადა, რომ დაახლოებით 5:00 საათზე უკრაინის შეიარაღებულმა ძალებმა შავი ზღვის ფლოტის საპატრულო გემ "სერგეი კოტოვზე" ხუთი უპილოტო საზღვაო გემით შეტევა სცადა. ოკუპანტები აცხადებენ, რომ ხუთი უპილოტო ნავი, სავარაუდოდ, გემის სტანდარტული იარაღის ცეცხლით განადგურდა.

მათ ასევე განაცხადეს, რომ ჯამში 11 დრონი გაანადგურეს.