ახალი ამბები

ევროკავშირის სასაზღვრო უწყების, „ფრონტექსის“ განცხადებით, 2021 წელს ევროკავშირში არალეგალურად შესულ პირთა რაოდენობა გასულ წელთან შედარებით 70 %-ით გაიზარდა.

სულ იანვარ-ოქტომბერში ევროკავშირის საზღვრების უკანონოდ გადაკვეთა 160 000-მდე პირმა სცადა.

საზღვრის კვეთის ყველაზე გავრცელებულ რეგიონებად აღმოსავლეთ ევროპა, ბალკანეთი და ცენტრალური ხმელთაშუა ზღვა სახელდება.

ევროკავშირის აღმოსავლეთი საზღვრებიდან შეღწევა წელს სულ 8 000-მა მიგრანტმა სცადა, რაც 2020 წლის მონაცემებს 15-ჯერ აღემატება.

არალეგალური მიგრაცია განსაკუთრებით პრობლემური გახდა ბელარუს-პოლონეთის სასაზღვრო კრიზისის გამწვავების შემდეგ.

ბრიუსელი ბელარუსს მიგრანტებისთვის ევროკავშირში შეღწევისთვის დახმარების გაწევაში სდებს ბრალს.

თუმცა, ბოლო დროს, ლუკაშენკას რეჟიმზე ზეწოლის შედეგად, „სიტუაცია შედარებით დასტაბილურდა“.

• პოლონეთი: ბელარუსი ამჯერად ავღანელი მიგრანტების გამოყენებას შეეცდება
• ლუკაშენკო: არ ვაპირებ მიგრანტების შეჩერებას, ისინი თქვენთან მოდიან