ახალი ამბები

ევროპარლამენტის თავმჯდომარედ კონსერვატორი მალტელი პოლიტიკოსი, რობერტა მეცოლა აირჩიეს.

მეცოლა ევროკავშირის წარმომადგენლობით ორგანოში ყველაზე მსხვილი პოლიტიკური ჯგუფის - ევროპის სახალხო პარტიის (EPP) - სიით აირჩიეს.

მეცოლას წინამორბედი, იტალიელი დავიდ სასოლი 11 იანვარს 65 წლის ასაკში გარდაიცვალა.

43 წლის მეცოლა პარლამენტის ყველაზე ახალგაზრდა თავმჯდომარე იქნება.

თავმჯდომარეობის სხვა კანდიდატები შვედი ალის ბა კუნკე (მწვანეები - ევროპის თავისუფალი ალიანსი), პოლონელი კოსმა ზლოტოვსკი (ევროპელი კონსერვატორები და რეფორმისტები) და ესპანელი სირა რეგო (მემარცხენეები) იყვნენ.

ევროპარლამენტს აქამდე ორი ქალი თავჯდომარე - სიმონ ვეილი და ნიკოლ ფონტენი ჰყავდა.