ახალი ამბები

რუსული არმია უკრაინაში ერთ თვეში 25 000-მდე სამხედროს კარგავს, რაც შეიძლება ევროპის ზოგიერთი ქვეყნის ჯარების რაოდენობას შევადაროთ. ამის შესახებ 28 თებერვალს, ტელეკომპანია "Мы – Украина"-ს  ეთერში უკრაინის შეიარაღებული ძალების საჰაერო ძალების სარდლობის სპიკერმა იური იგნატმა განაცხადა.

მისი დაკვირვებით, რუსებმა მხოლოდ აღმოსავლეთის მიმართულებით შეძლეს "მცოცავ" შეტევაზე გადასვლა, მოსალოდნელი ფართომასშტაბიანი შეტევა არ დაწყებულა.

"ჩვენ ვხედავთ [დონბასში რუსების შეტევის ფასს] გენერალური შტაბის [უკრაინის შეიარაღებული ძალების] სტატისტიკისა და ვიდეო მტკიცებულებების მიხედვით, რომელიც აჩვენებს, თუ როგორ არის მოფენილი დაღუპული რუსებით მიწა", - თქვა იგნატმა.

მისი თქმით, დამპყრობლების დანაკარგები, თუნდაც ფრონტის მცირე სექტორზე "მცოცავი" შეტევისას, კრიტიკულია.

"იანვარში 25 000-ზე მეტი ადამიანია ლიკვიდირებული. ეს დაახლოებით ევროპის ქვეყნების საშუალო არმიის ტოლია. ანუ უკრაინა ერთ თვეში ამდენ რუსს ანადგურებს", - აღნიშნა იგნატმა.