ახალი ამბები

კოსტა-რიკა მსოფლიოს პირველი სახელმწიფო გახდა, სადაც ბავშვების კორონავირუსის საწინააღმდეგო აცრა სავალდებულო იქნება.

ქვეყანაში ბავშვებისთვის აცრების რაღაც ნაწილი უკვე სავალდებულოა და ამ სიას COVID-19-ის საწინააღმდეგო აცრაც დაემატა.

ქვეყანამ კომპანია Pfizer-თან შეთანხმება გააფორმა და 2022 წლის მარტიდან 12 წლამდე ბავშვების აცრას დაიწყებს.

ამ კვირაში ამერიკის მარეგულირებელმა სააგენტომ Pfizer-ის ვაქცინით 5-11 წლის ბავშვების აცრას ავტორიზაცია მისცა.

შეთანხმების მიხედვით, კოსტა-რიკა კომპანიისგან ვაქცინის 3.5 მილიონ დოზას მიიღებს. 1.5 მილიონი დოზით 5-11 წლის ახალგაზრდები აიცრებიან, დარჩენილ დოზებს კი ვაქცინის მესამე დოზად გამოიყენებენ.

ცენტრალური ამერიკის სახელმწიფოს მოსახლეობის 55% სრულად არის აცრილი.