ახალი ამბები

უკრაინელების 56.6% მოქმედი პრეზიდენტის, ვოლოდიმირ ზელენსკის მეორე ვადით კენჭისყრას ეწინააღმდეგება. ამის შესახებ სოციოლოგიური კვლევითი ცენტი SOCIS-ის კვლევაში ვკითხულობთ.

ამავდროულად, გამოკითხულთა 25.8% ზელენსკის მეორე ვადით პრეზიდენტობას მხარს უჭერს. 

კვლევის მონაწილეების 8.9% ამბობს, რომ საპრეზიდენტო არჩევნებამდე დიდი დროა დარჩენილი, 8.8% კი აცხადებს, რომ უჭირს პასუხის გაცემა.

29 ოქტომბრიდან 4 ნოემბრამდე მთელი უკრაინის ტერიტორიაზე ჩატარებული კვლევის ცდომილების ზღვარი 2.4%-ია.

ზელენსკი უკრაინის პრეზიდენტი 2019 წელს გახდა. არჩევნების მეორე ტურში მან პეტრო პოროშენკო ხმების 73.22%-ით დაამარცხა. წინასაარჩევნო კამპანიისას ის აცხადებდა, რომ მეორე ვადით კენჭისყრას არ გეგმავდა.