ახალი ამბები

რუსეთის საგარეო საქმეთა მინისტრი აშშ-სა და უკრაინის მიერ სამშვიდობო შეთანხმების პროექტის ცვლილებას გამოეხმაურა და განაცხადა, რომ ვითარება, შეიცვლება თუ გეგმიდან ვლადიმირ პუტინისა და ტრამპის მიერ ანკორიჯში მიღწეული მოლაპარაკებები ამოვარდება. 

ვითარების არსი: ამის შესახებ სერგეი ლავროვმა პრეს-კონფერენციაზე განაცხადა - ამასთანავე ლავროვის თქმით, რუსეთს ჯერ არ მიუღია სამშვიდობო გეგმის განახლებული 19-პუნქტიანი.

• ლავროვის თქმით, 28-პუნქტიანი რედაქცია შეიცავდა ანკორიჯში მიღწეულ საკვანძო შეთანხმებებს - "მაგრამ თუ კი იქიდან ამოვარდება ანკორიჯის სულისკვეთება და შეთანხმებები, ეს რა თქმა უნდა, პრინციპულად განსხვავებული ვითარება იქნება."
  
  
• ამასთანავე, ლავროვმა განაცხადა, რომ კრემლი ჯერ კიდევ ელოდება სამშვიდობო გეგმის შუალედურ ვერსიას. 

დაეწიე ამბავს: ამგვარად რუსეთის საგარეო საქმეთა მინისტრი პირველად გამოეხმაურა დონალდ ტრამპის ახალ სამშვიდობო ძალისხმევას. გასულ უქმეებზე გეგმას გამოეხმაურა უშუალოდ ვლადიმირ პუტინიც, რომელმაც განაცხადა, რომ აღნიშნული 28 პუნქტი შესაძლოა დაედოს საფუძვლად კონფლიქტის დარეგულირებას. 

• ამ მომენტიდან მოყოლებული ჟენევაში ამერიკისა და უკრაინის დელეგაციების მოლაპარაკებების შედეგად 19-პუნქტამდე შეიცვალა. 
  
  
• შეხვედრის დასრულების შემდეგ უკრაინისა და აშშ-ს დელეგაციების ხელმძღვანელებმა მიღწეული პროგრესის შესახებ განაცხადეს.
  
  
• დასავლური მედიების ცნობით, გეგმის ყველაზე სენსიტიური მნიშვნელოვანი პუნქტები, მათ შორის ტერიტორიულ და ნატოს წევრობის საკითხი პრეზიდენტ ტრამპსა და ვოლოდიმირ ზელენსკის შორის პირად შეხვედრაზე გადაწყდება.~
  

სიღრმისეულად: FT: დენ დრისკოლი აბუ-დაბიში რუსეთის დელეგაციას ხვდება