ახალი ამბები

იაპონიის მმართველმა ლიბერალ-დემოკრატიულმა პარტიამ (LDP) პარლამენტის ზედა პალატის არჩევნებში დამაჯერებელი უმრავლესობა მოიპოვა.

LDP და მისი პარტნიორი პარტია კომეიტო 125 მანდატიდან 75-ის გაკონტროლებას შეძლებს, წერს იაპონური მედია.

სუპერ-უმრავლესობა მათ იაპონიის კონსტიტუციაში ცვლილებების შეტანის შესაძლებლობას მისცემს.

მმართველი პარტიის შთამბეჭდავი შედეგი რამდენიმე დღის წინ იაპონიის ყოფილი პრემიერ-მინისტრის, შინძო აბეს მკვლელობას მოჰყვა.

აბე მეორე მსოფლიო ომის შემდეგ იაპონიის მთავრობას ყველაზე ხანგრძლივი პერიოდის განმავლობაში მართავდა.

მის ერთ-ერთ ცენტრალურ პროექტად იაპონიის პაციფისტური კონსტიტუციის შეცვლა და ქვეყანაში სამხედრო ძალების როლის გაძლიერება წარმოადგენდა.

სავარაუდოდ, აბეს პარტია ყოფილი პრემიერის ხედვის განხორციელებას შეძლებს, წერენ ანალიტიკოსები.

შინძო აბე 8 ივლისს ქალაქ ნარაში მოკლეს, როცა ის საარჩევნო კამპანიის ფარგლებში სიტყვით გამოდიოდა.

ბრალდებული, 41 წლის ტეცუია იამაგამი აცხადებს, რომ ის აბეს პოლიტიკით იყო უკმაყოფილო.