ახალი ამბები

პრეზიდენტ დონალდ ტრამპის თქმით, შეერთებული შტატების ომი ირანთან დასასრულს უახლოვდება, თუმცა მომდევნო კვირებში ინტენსიური დაბომბვებით ირანს ქვის ხანაში დააბრუნებენ. 

ვითარების არსი: ამის შესახებ ტრამპმა ამერიკელი ხალხისადმი საგანგებო ვიდეო მიმართვაში განაცხადა. 

• შეთანხმებაზე უარის შემთხვევაში ტრამპის თქმით, აშშ დაბომბავს ირანის ენერგეტიკულ სექტორს, მათ შორის ნავთობის საბადოებსაც.
  
  
• ტრამპის გამოსვლას საერთაშორისო საფონდო ბირჟაბზე ნავთობის ფასის ზრდა და ინდექსების შესამჩნევი კლება მოჰყვა. 

ჩაშლილად: მიმართვაში ტრამპს არ გამოუცხადებია ახალი კონკრეტული ოპერაციების გეგმებზე, იქნება ეს ირანის კუთვნილი კუნძულების დაკავება თუ უკვე გამდიდრებული ურანის მარაგის გატანა. 

• ტრამპის თქმით, ამერიკის სტრატეგიული გამანადგურებლების მიერ დაბომბილი ბირთვული ობიექტები ისეთ ვითარებაშია, რომ მათთან მიახლოებასაც თვეები დაჭირდება. 
  
  
• "თუ ჩვენ დავინახავთ უმცირეს მოძრაობას ამ მიმართულებით, მათ კიდევ უფრო მეტი რაკეტით დავბომბავთ"- განაცხადა ამერიკელმა პრეზიდენტმა. 

კულისებს მიღმა: ამერიკული მედიის ცნობით, გასულ დღეებში შუამავლების მეშვეობით ვაშინგტონმა თეირანს აცნობა, რომ დაინტერესებულია ცეცხლის შეწყვეტით ჰორმუზის სრუტის განბლოკვის სანაცვლოდ.

• თუმცა თავის საჯარო გამოსვლაში ტრამპმა განსხვავებულ სცენარებზე ისაუბრა, მათ შორის იმაზე, მათ შორის იმაზეც, რომ ამერიკა დაპირისპირებიდან შესაძლოა ისე გავიდეს, რომ ჰორმუზის სრუტის განბლოკვა არ სცადოს. 
  
  
• "თუ შეთანხმება არ იქნება, ჩვენ ერთდროულად დავბომბავთ მათ ელექტროენერგიის წარმოებას და ასევე ნავთობის საბადოებსაც და ისინი ვერაფერს იზამენ"- თქვა ტრამპმა. 

დიდი სურათი: ამერიკელი პრეზიდენტის გამოსვლის ფოკუსი იყო არა ახალ მიდგომაზე საუბარი, არამედ სკეპტიკურად განწყობილი მოქალაქეების დარწმუნება, რომ ირანთან ომის დაწყება ამერიკის ინტერესებში შედიოდა და რომ ამერიკა ამ დაპირისპირებაში დამაჯერებლად იმარჯვებს. 

• რაც შეეხება ჰორმუზის სრუტეს ტრამპმა კიდევ ერთხელ მოუწოდა ამერიკის მოკავშირეებს, რომ თავად სცადონ საკვანძო არტერიის განბლოკვა და ეს არ იქნება რთული, რადგანაც მისი თქმით, გასულ კვირებში შეერთებულმა შტატებმა "ირანის გაანადგურა."