ახალი ამბები

ნატოს გენერალური მდივანი იენს სტოლტენბერგი დაუანონსებელი ვიზიტით კიევს ეწვია. ამის შესახებ The Kyiv Independent წერს.

ხუთშაბათს დილით სტოლტენბერგი უკრაინის დედაქალაქის ცენტრში, მიხაილოვსკის მოედანზე დააფიქსირეს.

Kyiv Independent-მა გამოაქვეყნა ფოტო, სადაც ჩანს, რომ ნატოს გენერალური მდივანი დაღუპული უკრაინელი სამხედროების ხსოვნას პატივს მიაგებს.

ვიზიტის წინა დღეს სტოლტენბერგმა განაცხადა, რომ კრემლის ბირთვული მუქარის მიუხედავად, დასავლელი მოკავშირეები უკრაინის მხარდაჭერას არ შეწყვეტენ.