ახალი ამბები

პოლონეთის საგარეო საქმეთა სამინისტრომ 9 თებერვალს გამოაქვეყნა ათი ფსევდოისტორიული თეზისის დეტალური ახსნა, რომლებიც ვლადიმერ პუტინმა ამერიკელ ჟურნალისტ ტაკერ კარლსონთან ინტერვიუში გააჟღერა.

პოლონეთის საგარეო საქმეთა სამინისტრო, სხვა საკითხებთან ერთად, დეტალურად განმარტავს, თუ რატომ არის ისტორიული სისულელე პუტინის განცხადება "პოლონეთის თანამშრომლობაზე ჰიტლერულ გერმანიასთან" და "პოლონეთის მიერ გერმანიის პროვოცირებაზე."

"პოლონეთ-ლიტვის თანამეგობრობამ უარყო ჰიტლერის პრეტენზიები, ისევე როგორც მისი წინადადება სსრკ-ს წინააღმდეგ პოლონურ-გერმანული ალიანსის შექმნის შესახებ. სწორედ ჰიტლერულმა გერმანიამ და საბჭოთა მთავრობამ მოაწერეს ხელი ხელშეკრულებას პოლონეთის წინააღმდეგ 1939 წლის 23 აგვისტოს (ე.წ. მოლოტოვ-რიბენტროპის პაქტი), რამაც გერმანიას 1939 წლის 1 სექტემბერს პოლონეთზე თავდასხმის საშუალება მისცა," - ნათქვამია სამინისტროს განცხადებაში. 

ასევე, პოლონეთის საგარეო საქმეთა სამინისტრომ უარყო დეზინფორმაცია, რომ "უკრაინა სინამდვილეში არის ლენინის და სტალინის მიერ შექმნილი ხელოვნური სახელმწიფო," ხოლო "დნეპრის მარცხენა სანაპირო არის ისტორიული რუსული მიწები" და "უკრაინეელების, როგორც ცალკე ერის იდეა, პოლონეთში გაჩნდა."

პოლონეთის საგარეო საქმეთა მინისტრმა რადოსლავ სიკორსკიმ ტაკერ კარლსონის ინტერვიუზე უკმაყოფილება გამოთქვა. ის შოკირებული იყო, რომ ამერიკელი ჟურნალისტი პუტინის პარანოიდულ ტყუილებს ავრცელებდა.

ევროკომისიამ ინტერვიუზე აღნიშნა, რომ პუტინმა გაიმეორა ძველი ტყუილები და მანიპულაციები.