ახალი ამბები

კერძო სამხედრო კომპანია "ვაგნერის" ლიდერმა ევგენი პრიგოჟინმა თქვა, რომ "ვაგნერელების" პირადი შემადგენლობა ნადგურდება და კომპანიამ შეიძლება არსებობა შეწყვიტოს.

ამის შესახებ პრიგოჟინმა რუსეთის ფედერაციის ე.წ. "სამხედრო კორესპონდენტების" ვიდეოში განაცხადა.

"დღეს ჩვენ მივდივართ დასკვნამდე, რომ "ვაგნერის" რესურსები იწურება და კომპანია მალე შეწყვეტს არსებობას." - თქვა მან.

შენიშვნაზე, რომ ასეთი განცხადებები რუსების დემორალიზებას გამოიწვევს, "ვაგნერელთა" ლიდერმა უპასუხა, რომ ამას კიდევ გაიმეორებს.

პრიგოჟინმა თქვა, რომ "ვაგნერელები" "ისტორიაში დარჩებიან". მან ასევე კიდევ ერთხელ მიანიშნა საბრძოლო მასალის ნაკლებობაზე.

პრიგოჟინი რუსეთის თავდაცვის სამინისტროს და რუს ოფიციალურ პირებს აკრიტიკებს. კერძოდ, ის მუდმივად უჩივის საბრძოლო მასალის ნაკლებობას და თვლის, რომ რუსი გენერლები ცდილობენ მეტი პატიმარი და "ვაგნერის" დაქირავებული მებრძოლი მოკვდეს.

რუსული რესურსები წერენ, რომ პრიგოჟინს სურს მიიღოს სიმპათიები და კრემლის კიდევ უფრო დიდი მხარდაჭერა.