რუსებმა უკრაინის პოზიციებზე სამი მიმართულებით შტურმი წარუმატებლად სცადეს
რუსული ჯარები ცდილობდნენ უკრაინის ახალი ტერიტორიების დაკავებას ავდეევკას, კურახოვსკის და ზაპოროჟიეს მიმართულებით. ამის შესახებ 22 აპრილს უკრაინის შეიარაღებული ძალების გენერალურმა შტაბმა ფეისბუქზე განაცხადა.
"ავდეევკასა და კურახოვის მიმართულებით დამპყრობლები ცდილობდნენ შეტევას, მაგრამ არ გამოუვიდათ. ზაპოროჟიეს მიმართულებით ოკუპანტებმა სოფელ ზელენოე პოლეს მიმართულებით დაიწყეს შეტევა, რაც წარუმატებლად დასრულდა," - ნათქვამია განცხადებაში.
"სამხრეთ ბუჟის მიმართულებით სოფელ ალექსანდროვკას მახლობლად, მტერი იცავს ოკუპირებულ პოზიციებს. ახორციელებს საჰაერო დაზვერვას. არ არის გამორიცხული, რომ ხერსონის ოლქის ადმინისტრაციულ საზღვრებთან მისასვლელად შეტევითი ოპერაციები განხორციელდეს", - განმარტეს გენერალური შტაბში.
განცხადებაში ნათქვამია, რომ დონეცკისა და ტაურიდის მიმართულებით საომარი მოქმედებები ფრონტის მთელ ხაზზე მიმდინარეობდა.
.jpg)
