ახალი ამბები

ფრანგული BFMTV-ს დაკვეთით ჩატარებული ეგზიტპოლი აჩვენებს, რომ საფრანგეთის საპრეზიდენტო არჩევნების მეორე ტურის ფინალისტებმა ტრადიციული საარჩევნო ბაზის მობილიზება წარმატებით მოახერხეს.

საფრანგეთის მოქმედ პრეზიდენტს ხმა საჯარო მოხელეების მესამედმა და პენსიონერების 40 %-მა მისცა. 

ულტრამემარჯვენე ლე პენმა პენსიონერების და საჯარო სექტორში დასაქმებულების მხოლოდ 18-18 პროცენტის ნდობა მოიპოვა.

თავის მხრივ, ეროვნული გაერთიანების ლიდერმა ფრანგი მუშების დიდი ნაწილის - 42 პროცენტის - მხარდაჭერა მოიპოვა.

ლე პენის დაპირებების დიდი ნაწილი სწორედ სოციალურ-ეკონომიკურ თემატიკას შეეხებოდა და ფოკუსს ცხოვრების დონის გაუმჯობესებაზე აკეთებდა.

მაკრონის მთავარმა კონკურენტმა ფრანგი დასაქმებულების გულიც მოიგო - ლე პენს ხმა მათმა 33 პროცენტმა მისცა.

წინასწარი შედეგებით, ჯამში მაკრონმა ფრანგი ამომრჩევლების 28,6, ლე პენმა კი 23,6 პროცენტის მხარდაჭერა მიიღო.

მონაცემები ზუსტდება.