უკრაინა: კიევზე შეტევისას Shahed-ის ყველა დრონი ჩამოვაგდეთ
უკრაინის საჰაერო თავდაცვის ძალებმა Shahed-ის ტიპის ყველა დრონი გაანადგურეს, რომლებიც კიევს 17 მარტის საღამოს დაესხნენ თავს.
ამ ინფორმაციას კიევის საქალაქო სამხედრო ადმინისტრაცია Telegram-ზე ავრცელებს.
კიევის საქალაქო სამხედრო ადმინისტრაციის ხელმძღვანელის სერგეი პოპკის თქმით, მტერმა Shahed-ის კამიკაძე დრონები კიევის მიმართულებით გაუშვა, მაგრამ ყველა საჰაერო სამიზნე საჰაერო თავდაცვის ძალებმა გაანადგურეს.
ოფიციალურმა პირმა აღნიშნა, რომ მსხვერპლი და ნგრევა არ ყოფილა, უფრო დეტალური ინფორმაცია კი ზუსტდება.
