ახალი ამბები

საფრანგეთის მთავრობა ზაფხულში ეიფელის კოშკის გახსნას გეგმავს. კორონავირუსის შესაჩერებლად დაწესებული რეგულაციების გამო კოშკი ტურისტებისთვის ოქტომბერში ჩაიკეტა.

ბილეთების ონლაინ შეძენა 1 ივნისიდან იქნება შესაძლებელი, ხოლო კოშკზე ასვლა - 16 ივლისიდან.

დღის განმავლობაში კოშკს მხოლოდ 10,000 ადამიანი ეწვევა, რაც პანდემიის დაწყებამდე არსებულ ნორმაზე (15,000) ნაკლებია.

2020-2021 წლებში ეიფელის კოშკის ადმინისტრაციამ 146 მილიონი დოლარი დაკარგა.

საფრანგეთში Covid-19-ით ინფიცირების 5.9 მილიონი შემთხვევა დაფიქსირდა და 108,000 ადამიანი დაიღუპა.